silhouette photography of man and woman standing outdoors

चंद्र तो चांदण्यासवे ||| Cute Love Images ||

person sky silhouette night
Photo by Snapwire on Pexels.com
नभी चंद्र तो चांदण्यासवे, उगाच आतुर आहे !!
शुभ्र पसरल्या प्रकाशातही, तुलाच शोधत आहे!!


कधी पुसावे वाऱ्यासही, तुझीच आठवण आहे!!
कधी निखळत्या ताऱ्यातही, तुलाच मागणे आहे !!


डोकावूनी त्या खिडकीतूनी , तुलाच पाहणे आहे !!
नकळत मग तू दिसताच, अलगद लाजणे आहे!!


सांग कशी ही रात्र जणू, मलाच बोलत आहे !!
तुझ्याचसाठी गुणगुणावे , जणू गीत गात आहे !!


थांबल्या त्या क्षणासही , तुझीच ओढ आहे !!
मिठीत घेण्या तुला जणु, ती झुळूक येत आहे !!


मनातल्या आठवांचा, अंत कुठे आहे ??
हा भास की आभास जणु, सारेच अधुरे आहे !!


नभी चंद्र तो चांदण्यासवे , उगाच आतुर आहे !!
शुभ्र पसरल्या प्रकाशातही, तुलाच शोधत आहे !!


✍️ योगेश

*ALL RIGHTS RSERVED*

6 thoughts on “चंद्र तो चांदण्यासवे ||| Cute Love Images ||”

  1. हो नक्कीच … शेवटी लिखाण वाचकांपर्यंत पोहोचणं महत्त्वाचं … लिहिल नक्की तिथेही ..😊👍👍👍

  2. प्रतिलिपिवर वाचक संख्या मोठ्या प्रमाणात आहे म्हणून म्हटलं 😊इतक्या सुंदर कविता इतरांनाही वाचता येईल…. ब्लॉगवर पण लिहायला हवं इथे लिहिण्याची मज्जाच काही और…..

  3. Thanq so much 😊 पण खुप दिवस झाले ब्लॉगवर लिहितोय त्यामुळे इथेच छान वाटत लिहायला .. पण बघू लिहीन तिथेही नक्की ..

  4. छान असतात कविता तुमचा लिहायला हवं….. 👍👍ही कविता खूप भारी लिहिलीत …… 💐🍂

Leave a Reply