स्पर्श तुझ्या आठवांचा, ओठांवर त्या क्षणांचा !! अलगद माझ्या हृदयास, बहरून जातो !! तू असावे जवळी, मागणे हेच मनी !! आभास या मनाला, छळून जातो !! बोलता मी अबोल, गाते गीत कोण ?? सूर त्या प्रेमाचे, छेडून जातो !! नजरेस एक शोध !! शोधूनही मग हरवून !! अनोळखी त्या तुझ्यात, अडकून जातो !! वाटेवरी त्या थांबून, वाट तुझी पाहून !! नकळत त्या पानावर, लिहून जातो !! फांदिवरच्या त्या फुलांना, सांगितले दाही दिशांना !! गंध तुझ्या मिठीचा, दरवळून जातो !! ✍️© योगेश खजानदार
कविता वाचतो आहे , फारच फारच छान ! लाजबाब,शब्दा शब्दातून भाव ओसंडून वहात असतात आणि आपण ती मौज घ्यायची,अप्रतिम !!!
खूप खूप धन्यवाद …