|| श्री व्यंकटेशाची आरती ||
पंचफना शिखरी देव श्रीहरि ।
संन्मुख हनुमंत उभा से द्वारी ।
गरुड सेवा करी चरणी निरंतरी ।
कोटी तिर्थ राणा तिरुमलगिरीवरी || १ ||
जयदेव जयदेव जय व्यंकटरमणा जय लक्ष्मी रमणा
आरती ओवाळू , भावे ओवाळू तव दिनोद्धरणा || धृ .।।
जय विजय दोन्ही द्वारपाल द्वारी ।
देव एक म्हणऊनी दास्यत्व करी ।
चर्तुभुज मूर्ती दिसते साजीरी ।
दिसते गोजिरी । शेषाद्रीचा राणा
व्यंकटगिरीचा राणा तिरुमलगिरीवरी || २ || जय ..
गिरीच्या शिखरी तुमचा अवतार ।
ब्रह्मादिका न कळे तव तुमचा पार ।
साठ खंड्या भोजन | ताट विस्तार |
प्रसाद लाभला वाद्यांचा गजर ।। ३ ।।
तेथील मंगल मुहूर्त । झाला उत्सव ।
बरवा उत्साह । प्रसन्न झाला समया देवाधीदेव ।
विप्र कोणी चरणी मागतसे ठाव । तयासी प्रसन्न |
भक्तासी प्रसन्न व्यंकटगिरीराव || ३ ||
जयदेव जयदेव जय व्यंकटरमणा जय लक्ष्मीरमणा ।
आरती ओवाळू , भावार्थी ओवाळु लागतसे चरणा ।।धृ ।।
